Meer oor ons

AVIMA (’n akroniem vir: Agricultural, Veterinary, Industrial Manufacturing and Marketing) is ongeveer 60 jaar gelede gestig. Die maatskappy groei steeds en is ’n Suid-Afrikaanse plaagdodervervaardiger, -verspreider en diensverskaffer. Ons het reeds meer as 180-plaagdoderregistrasies wat deel van ons portefeulje uitmaak.

AVIMA werk nou saam met regerings, nieregeringsorganisasies, boere en ander kommersiële ondernemings om volhoubare oplossings vir doeltreffende plant-, huishoudelike en diereplaagbestuur, asook siektevektorbeheer, te bied. Met ons uitgebreide reeks produkoplossings en omvattende steun- en opleidingspakkette, het ons ’n sterk gevestigde teenwoordigheid in meer as
25 Afrikalande.

’n Ryk geskiedenis

1961
1961 – 1965
1966 – 1968
1969 – 1971
1972
1973-1979
1980
1981
1982 – 1991
1992 – 1995
1996
2000
2001
2001 – 2004
2005
2006 – 2010
2011 – 2012
2013

1961

Inkorporering van International Muller Holdings (IMCD). Ons is betrokke by talle ondernemings, onder andere masjinerie, chemikalieë en elektronika.

1961 – 1965

Die tegniese chemikalieë-afdeling, wat die produksie van plaagdoders insluit, brei steeds uit.

1966 – 1968

African Py Spray word uit die geledere van IMCD gestig en fokus op die produksie van produkte met piretrum (Pyrethrum) as ’n hoofbestanddeel.

1969 – 1971

’n Vennootskap met die Brasiliaanse Casa Bernado  verhoog die gebruik van aluminiumfosfied in produkte.

1972

Ons naam verander na AVIMA – ’n akroniem vir Agriculture, Veterinary, Industrial Manufacturing and Marketing. Ons fokus verskuif na waardetoevoeging en ons begin met die ontwikkeling en uitbreiding van ons eie registrasie- en formuleringsvermoëns. Bo en behalwe piretrum (Pyrethrum), groei ons produkreeks steeds.

1973-1979

Twee afdelings ontwikkel sterk: aanvullende produkte vir graan en die formulering van piretrum-produkte vir plaagbeheer as ’n vervaardiger en agentskap vir plaagdoders vir omgewingsgesondheidsbestuur, landbou en spesialiteitsmarkte.

1980

Begin met malariavektorbeheerprogramme, produkte en opleiding.

1981

Die produksie van DDT vir malariabeheer word by ons produkreeks gevoeg. Tot in 2010 maak dit deel uit van ons kernprodukte vir die verantwoordelike beheer van muskiete binnenshuis.

1982 – 1991

Ons betrokkenheid by gewasbeskerming groei steeds.

1992 – 1995

Ons betrokkenheid by produkopleiding en rentmeesterskap word sinoniem met die AVIMA-handelsmerk. Dit is steeds so vandag.

1996

AVIMA word ’n internasionale rolspeler met uitvoere na verskeie lande. Ons voer steeds ons produkte uit.

2000

AVIMA word uitgekoop en word ’n onafhanklike, plaaslike maatskappy.

2001

As deel van ons geïntegreerde vektorbestuurdiens, brei ons ons Tsetsevliegbeheerprogram in Afrika uit.

2001 – 2004

Ons produkaanbod groei steeds. Ons uitvoermarksegment behels 50% van ons besigheid.

2005

Buiten ons eie produkaanbod, word ons ’n verspreider vir uitgesoekte BASF-produkte.

2006 – 2010

Ons groei steeds as ’n belangrike rolspeler in alle markte, veral in die voorkoming van malaria.

2011 – 2012

AVIMA brei sy dienste uit na Suidelike Afrika (SADC), uitgesoekte Oos-Afrikalande asook Wes-Afrika.

2013

Ons sluit aan by die Ascendis Health Group (’n gelyste maatskappy) en is deel van die Ascendis Phyto-Vet-afdeling onder die vaandel van Biosciences.

’n Toegewyde span

Die sukses wat ons oor die afgelope 60 jaar behaal het, is grootliks te danke aan uitstekende produkte, maar ook uitstaande mense.

Ontmoet ons span – die individue wat jou sal bystaan om ’n beter en volhoubare toekoms daar te stel.

Verkoopsnavrae

Niemand ken AVIMA en die voordele wat die produkte jou kan bied, beter as ons verkoopspan nie. Hulle werk nou saam met raadgewers wat AVIMA se produkte vir individue en korporatiewe groepe op die punte van hulle vingers ken. Derhalwe is hulle geakkrediteer om net die beste advies te gee.

Omgewingsgesondheid

Ons strewe voortdurend na volhoubaarheid deur groter verantwoordelikheid ten opsigte van ons produkte en dienste aan die dag te lê. Sodoende skep ons higiëniese en plaagvrye omgewings – nie net vir gemeenskappe vandag nie, maar ook vir toekomstige generasies.

Tegniese vrae

Ons holistiese benadering kombineer innoverende produkte met goed ontwikkelde pakkette en die ondersteuning van ’n span kundiges. Gesels gerus met ons oor al jou landbou- en tuinboukwessies

Ons betroubare vennote

Ons vennootskappe met Klub M5 en Ortus stel ons verder in staat om ons holistiese aanbod te vergroot. Ortus, met hulle terbufos-gebaseerde formulering, is die voorloper in die mark vir die beheer van insekplae en aalwurms wat tot hoër gewasopbrengste lei. In hul strewe na volhoubare landbou, is Klub M5 se Geïntegreerde Plaagbestuurprogramme (GPB) ’n belangrike toevoeging tot ons aanbod.

Klub M5 is die alleenverspreider van Gowan-produkte in Suid-Afrika.

Affiliasies

Gerhard Verdoorn
nesher@tiscali.co.za
+27 82 446 8946

(+27) 11 769 1300

info@avima.co.za

Aschenbergstraat 18,
Chamdor,
Krugersdorp,
Suid-Afrika

Die maatstaf vir 'n

beter toekoms